Voss herad

 Me får besøk av Michelle Tolo. Ho debuterte som teikneserieskapar i 2020, med den populære bokserien Spøkelsesvenn. Det vert også trekking av premiar, og utdeling av diplom. Me gler oss! Meld deg på i lenka under, så vert du med i premietrekkinga.

Arrangementet er gratis og alle er velkomne.

Då romanen om den pensjonerte presten, birøktaren og sprithandlaren Jacob Juul kom for eit par år sidan, vart forfattaren Anders Totland samanlikna med Arto Paasilinna og Fredrik Backmann – «Til jord skal du bli» gjekk rett inn på den nasjonale bestseljarlista og vart selt til fleire land. Til og med film skal det bli av denne historia (det kan vi godt sjå for oss!)

No er vestlendingen klar med ein nokså frittståande oppfølgjar: «Til døden skil oss». Det heile er ellevilt; humor, spenning og varme sydd saman til ei burlesk historie frå ei bygd der alt kan skje. Og det skjer.

Anders Totland er oppvaksen på Bømlo og held til på Valen i Kvinnherad. Sidan 2015 har han gitt ut ei rekkje barne- og ungdomsbøker i fleire sjangrar. Fleire av bøkene er selde til utlandet, og i 2017 fekk han tildelt Nynorsk barnelitteraturpris for ungdomsromanen 

Felespelar Aleksander Røynstrand spelar slåttar og Astri fortel småstubbar og opphavssegn til slåttane. Litt all song og ei danseøkt til slutt.

Den fyrste torsdagen i månaden inviterer me til kulturtreff i biblioteket i Voss kulturhus for dei eldste og yngste i heradet!

Eit samarbeid mellom Den kulturelle spaserstokken, biblioteket og Voss frivilligsentral.

Fengselsfuglen Rorgen vaknar langsamt opp i ei sjukeseng. Politiet ønskjer han snarast mogleg tilbake bak murane, men legane frårår flytting. Gjennom vindauget ser han regnet som piskar og den sleipe, grove stien mot Ulriken.

I korridoren utanfor står litteraturvitar Thomas Larsen, som nyleg har overtatt forskingsprosjektet «Strafferettens forteljingar» ved Universitetet. Kva rettsvern har dei eigentleg, serieforbrytarane og gjengangarane? Kva vekt vert lagt på dei tidlegare straffedømde sine forklaringar i retten, dei som ikkje har ordet i si makt?

Etter Thomas’ syn er Rorgen førehandsdømt, ein mann som aldri har fått ei rettferdig behandling i rettsvesenet. Rorgen sjølv vert ei besetting, Rorgen si sak sjølve krona på verket for prosjektet. Om Thomas no berre får snakka med han.

I denne frittståande romanen møter me att Rorgen frå Korrektur av et sorgens kapittel, men boka er like mykje historia om Thomas Larsen, om klasse og rettsvern og eit prosjekt som truar med å knele under sin eigen tyngde.

Eivind Riise Hauge jobbar på biblioteket i Bergen fengsel ved sidan av forfattaryrket. I Korrektur av et sorgens kapittel, tek han oss med inn bak murane der vi møter fengselsfuglen Rorgen. Romanen gir eit rått og realistisk portrett av ein innsett, og ei stemme til ei gruppe som sjeldan blir høyrde.

I Voss bibliotek møter du Eivind Riise Hauge i samtale med bibliotekar og formidlar Silje Solstad

Her får du som har norsk som morsmål, høve til å treffe folk frå andre land og kulturar, samstundes du bidreg til at desse får øve seg på å snakke norsk. Me ynskjer velkomen både til dei som har vore med tidlegare og til deg som ikkje har vore med på dette før.

Arrangementet er i samarbeid med Voss Vaksenopplæring, som stiller med nokre av sine elevar. Samtalane er uformelle og ein pratar saman to eller tre, i små grupper. Me får veldig gode tilbakemeldingar på desse arrangementa.

Ta med deg eit barn du kjenner og syng med den stemma du har.

Denne våren er det Solfrid Himle og Kari Finne Sognnæs som kjem for å synga med oss.

Velkomen til Strikk og Lytt i biblioteket. Me les høgt frå bøkene våre medan du strikkar, gjer anna handarbeid eller berre lyttar. Enkel servering.

Når Distriktsmusikarane møter Ragnar Hovland er det først og fremst den siste romanen hans, ”Stille natt”, som står i fokus. Romanen blei utgitt i 2011, og kombinerer det mollstemde med rå humor. Boka handlar om tre brør som ikkje har mykje til felles anna enn at dei er i slekt. Forteljaren er forfattar og ungkar, den andre er traumatisert, medan den tredje er ein familiefar på flukt frå familien på motorsykkel. Opprinneleg var dei heile fem brør, men kvar dei to siste er blitt av er det ingen som veit. NRK sin bokanmeldar Knut Hoem meiner at dette kanskje er Hovland sin aller beste roman. Når den dessutan har ei mengd musikalske referansar, er det berre heilt naturleg at den får den sentrale plassen i forestillinga.

”Distriktsmusikarane møter Ragnar Hovland” er ei framsyning i tekst og tonar, der Hovland les eigne tekstar som musikarane tolkar og stemningsset med utdrag frå ulike komposisjonar. Musikken er anten referert direkte til i dei litterære utdraga, eller den vil gå inn som eit stemningsskapane element. Ord og tonar avløyser og fargelegg kvarandre.

Nordmenn er opptekne av valet i USA, men mykje er vanskeleg å forstå. Dette gjeld både valsystemet, og korleis kulturelle og sosiale tilhøve verkar inn på veljarane.

Presidentvalet kjem til å bli dyrare og bitrare en nokon gong, denne gongen blir det kanskje også det viktigaste: Er demokratiet trua? Kan de bli borgarkrig? Eller er folkestyret så solid at det uansett vil vinne over alvorlege politiske kriser og djupe sosiale splittingar?

Mange amerikanarar har erfart at medan løna har stått stille, har prisane auka jamt og trutt. Veljarane gjev dei folkevalde skulda, og politikarforakta er rekordhøg. Dei to store partia står langt frå kvarandre og det politiske klimaet i Washington DC er kjøligare enn på lenge.

Det er nok av saker å gripe tak i: Helse og skule, illegal innvandring og sjølvbestemd abort, internasjonalt samarbeid kontra “America First”.

Denne gongen er det likevel mange som meiner at sjølve det politiske systemet er trua og at demokratiet står på val.

Alt dette og meir kastar vert det kasta lys, og bidreg til at vi er litt meir opplyste når valet går av stabelen i byrjinga av november.

Sjå korleis konservator Wiebke Lüders og fløytemakarane Stein Villa og Steinar Ofsdal arbeider. Du kan også prøve deg som instrumentmakar.

Heilt sidan 2004 har Ole Bull Akademiet, der Osafestivalen held til, drive ein eigen verkstad for hardingfelebygging og reparasjon av instrument. Her arbeider Wiebke. Verkstaden har vorte ein stad som mange musikarar og andre hardingfeleinteresserte søkjer til. På felemakarverkstaden reparerer dei hardingfeler og andre typar instrument laga av tre, som t.d. instrument frå fiolin-, gitar- eller viola da gamba-familiane. I spesielle tilfelle repararer dei også historiske tangentinstrument som cembalo eller spinett. Målet er å gje instrumenta best mogleg lydkvalitet og at dei skal vera lettspelte, samstundes som ein bevarar instrumentets orginalitet.

Arrangementet er eit samarbeid med Osafestivalen og Borna sitt turlag på Voss

Voss bibliotek og Voss husflidslag inviterer til strikkekafé i glaskroken på biblioteket. Ta med deg handarbeidet ditt og kom!

Det vert servering av kaffi, te og noko å eta.

Are August Flannagan Furubotn og Svein Kjerland er to folkemusikarar som gler seg til å spela folkemusikk som dei eldre kanskje kjenner. Dei har eit stort repertoar; både tradisjonsmusikk frå Hardanger/Voss, og andre delar av landet (Telemark,Rogaland,Østerdalen,Røros) og frå andre deler av Europa.

Ferjene er eit fast og nødvendig innslag i livet til vestlendingen. Journalisten Halvor Folgerø tek oss med på ferjeturar og fortel historier frå Smøla-ruta i nord til Kvitsøy-ferja i sør. Bli med til fjordar og havstrekk, møt glade billettørar, stolte kapteinar, få historier om kvardagsliv og komikk, dramatikk og ulykker. Både mannskap, pendlarar, yrkessjåførar og reisande har sin plass i boka.

Den aller første bilferja her i landet heitte «Salhusfærgen». Frå 1919 frakta ferja både folk og bilar over Karmsundet i Rogaland. I dag vert ferjene mange stader bytte ut med bruer og tunellar. Dei siste 50 åra har 111 ferjesamband blitt lagde ned eller flytta her i landet, nær halvparten av dei på Vestlandet. Nostalgikarane blir blanke i auga, andre jublar når dei ser ein nedlagd ferjekai.

Ferjene set sterke kjensler i sving. Og dei er komne for å bli, i alle fall ei stund til. Forteljinga om ferjene utgjer ein viktig del av historia om Noreg, og ikkje minst om dei norske utkantane.

"Ønsk meg heller god tur" er det næraste me kjem ein sjølvbiografi frå Ingvar Ambjørnsen, han er i dag råka av alvorleg sjukdom. Gjennom ni lange kveldar og netter i Hamburg har han fortalt om livet sitt i openhjartige samtalar med Alf van der Hagen.

Ambjørnsen framstår i denne boka som ein fri ånd, ein djupt humanistisk forfattar og eit fyrverkeri av ein forteljar. Med sjangeren «samtalememoarar» har Alf van der Hagen skapt ein særeigen blanding av kulturhistorie og forfattarbiografi. Det er prisvinnande kritikarroste og heilt unike bøker som har gitt Alf van der Hagen ein stor lesarskare.

Føredraget med Alf van der Hagen, er ein del av biblioteket sin programserie Problem under debatt.

Synneva Gjelland med band er ein konstellasjon som med speleglede og stor formidlingsevne, har pusta nytt liv i eit knippe av Halldis Moren Vesaas beste tekstar. Det er kjende og kjære tekstar, men også nokre meir ukjende gullkorn som har fått ny musikalsk drakt. Gjelland sjølv kjem frå visesjangeren og er òg vokalist og gitarist i bandet Sliteneliten. Med ein god dose folkemusikk i både morsmjølk, nisteboksen og heimabrygget er det i folketonane og forteljingane ho kjenner seg heime. Ein oppvekst på eit gardsbruk på Voss med skrøner og folkeviser i gode lag og felespel ved store og små merkedagar har sett sitt preg på musikken ho lagar. Etter skulering i viser og folkemusikk på Rauland og i Sverige, har ho vendt tilbake til gardslivet på Voss med fela på ryggen og songane på lur. Med seg har ho Sam Baxter, ein young and promising folkemusikar, som dei seier i England der han kjem ifrå, Johanna Seim som kom frå Berlin til Rauland for å spele norsk folkemusikk, og Pål Jørgen Volan som omsider bytta ut bossa nova med rudl og springar.

Synnøve Gjelland - Song, piano, gitar, fele & komposisjon Sam Baxter - Fiolin Johanna Seim - Hardingfeler Pål Jørgen Volan - Bass

Dette skjer hos oss

Kontakt

Om biblioteket

Nettstaden

Kontakt

Om biblioteket

Nettstaden

Dette skjer hos oss

.css-1hnz6hu{position:static;}.css-1hnz6hu::before{content:'';cursor:inherit;display:block;position:absolute;top:0px;left:0px;z-index:0;width:100%;height:100%;}Sommarlesfest

Kontakt

Om biblioteket

Nettstaden

Sommarlesfest