Leseforslaga våre
- EB
Elli Borge
Voss bibliotek
Vaksne
Berge
Kjærstad, Jan • 2017
Forteljinga om drapet på AP- politikar Storefjeld og familien er godt fortalt, i tre delar og av tre ulike stemmer. Språket og tempoet i boka endrar seg med kvar karakter, som gjer forteljinga interessant. Spørsmålet om kven som har gjort det er ope heilt til slutten.
Det er likheitstrekk mellom det nasjonale traumet i boka, og det traumet nasjonen gjekk gjennom med 22. juli. Slik blir boka ein kommentar til ei av dei større hendingane i nyare norsk historie.
EBElli Borge
Voss bibliotek
- EB
Elli Borge
Voss bibliotek
Vaksne
Havets kirkegård
Nore, Aslak • 2021
Dette er ei spennande bok med godt tempo. Mysteriet om kva som skjedde under forliset av Hurtigruta gjer at ein blir dratt inn. Forteljinga følg fleire personar, og har også tilbakeblikk til tida før, under og etter forliset.
Forteljinga tek utgangspunkt i forliset av hurtigruteskipet D/S "Prinsesse Ragnhild". Skipet gjekk ned utanfor Bodø i 1940, og forfattaren har dikta vidare basert på denne faktiske hendinga.
EBElli Borge
Voss bibliotek
«Absurde situasjoner, sjarmerande karakterar og ein god dose humor.»
LRLene Rauland
Voss bibliotek
Vaksne
Til jord skal du bli
Totland, Anders • 2022
Ein kan ikkje anna enn å bli glad i Jacob Juul, pensjonert prest og spritseljar, som i denne boka får sitt å stri med når han på ein og same ettermiddag vert både bestefar og drapsmann. Mord og moro går hand i hand når dei påfølgjande problema skal løsast eitt etter eitt.
LRLene Rauland
Voss bibliotek
- EB
Elli Borge
Voss bibliotek
Eldre barn
Natteravnen
Rundberg, Johan • 2022
Dette er den fyrste av tre bøker som handlar om Mika, ei smart, oppmerksam og tøff barneheimsjenta. Boka tek oss med til ein iskald vinter i Stockholm på 1880- talet. Her er det tøft å vokse opp i fattigdom, livet til Mika er i fare fleire gongar.
Beskrivelsane i boka er veldig gode, ein nesten kan kjenne på kulda og svolten til Mika og dei andre barneheimsbarna.
Dette er ei litt skummel, men også ei veldig spennande bok, og den tek lesaren på alvor.
EBElli Borge
Voss bibliotek
- LR
Lene Rauland
Voss bibliotek
Ungdom
Jente (17) ikke savnet
Sandmo, Camilla • 2021
Sytten år gamle Kristiane forsvinn sporlaust, og ingen saknar henne - ikkje før niesa hennar Beatrice plukkar opp saka tretten år seinare. Kva skjedde egentlig med tante Kristiane? Dette er ein skikkelig page-turner av ei spenningsbok, og den endelege løysinga skuffar ikkje!
LRLene Rauland
Voss bibliotek
- HG
Helene Gjertsen
Voss bibliotek
Vaksne
10 nye bøker for vaksne
Spanande nytt innan romanar, samt ei novellesamling og diktsamling
HGHelene Gjertsen
Voss bibliotek
- HG
Helene Gjertsen
Voss bibliotek
Vaksne
Svalbardnotatene
Kroneberg, Benedicte Meyer • 2021
Bokas hovudperson, Birgitte, som er kunstnar, reiser til Svalbard for å jobbe med ei utstilling. Ho budde der også som 13-14 åring, og det kjem etter kvart fram at noko spesielt skjedde den gongen. Samstundes som ho må takle desse urovekkande minnene, strever ho med sin eigen nære familie, mellom anna ei dement mor og ein noko spesiell far.
Vi får her ei levande og realistisk skildring frå Svalbard, vi blir betre kjend med både naturen og dyrelivet. I tillegg til ei historie med godt driv, riskikerer ein verkeleg å få økt reiselyst av å lese denne romanen.
HGHelene Gjertsen
Voss bibliotek
- RH
Ritha Helland
Voss bibliotek
Barn
Julian er en havfrue
Love, Jessica • 2020
Duse fargar er med og illustrerer det draumeaktige i denne vakre biletboka. Å bli møtt med kjærleik og omsut, trass i at det kanskje ikkje er heilt vanleg å være eit magisk vesen er heilt unikt.
RHRitha Helland
Voss bibliotek
- RH
Ritha Helland
Voss bibliotek
Barn
Berre mor og Ellinor
Aanestad, Ingrid Zachariassen • 2022
Ei bok med vakre illustrasjonar og eit poetisk språk som fortel om korleis det er å ha ei mamma som er trist og lei seg.
RHRitha Helland
Voss bibliotek
- RH
Ritha Helland
Voss bibliotek
Barn
Arkimedes og vindmølla
Sande, Hans • 2020
Ei fantasifull og morosam bok for alle som likar oppfinningar, oppfinnarar og smarte jenter og kattar.
RHRitha Helland
Voss bibliotek
«Tilhøyrsle, identitet og rasisme blir utforska i denne kjærleiksforteljinga»
EBElli Borge
Voss bibliotek
Vaksne
Americanah
Adichie, Chimamanda Ngozi • 2021
Boka har skarpe refleksjonar rundt utanforskap, identitet, og forskjellane på å vera afroamerikansk og afrikansk i USA, og om klassetilhøyrsle i Nigeria.
Dette er ei bok for dei som liker å lesa om gode samfunnsanalyser, om ulike kulturar, og for dei som er glad i ein kjærleikshistorie.
EBElli Borge
Voss bibliotek
- EB
Elli Borge
Voss bibliotek
Eldre barn
Beistet og Bettina
Meggitt-Phillips, Jack • 2021
Sjølv om boka har ein ganske makaber historie - eit beist som vil eta eit barn - så er dette ei veldig morsom fortelling. Den er spennande og den har godt driv. Ebenezer og Bettina er fine, rare og originale karakterar som ein blir glad i.
EBElli Borge
Voss bibliotek
- EB
Elli Borge
Voss bibliotek
Vaksne
Fiskehuset
Bjella, Stein Torleif • 2021
Boka tek oss til ei lita koie kalla Fiskehuset, der onkel Ivar skal læra Jon det han treng for å ta vare på vatnet, fisken og tradisjonane. Det er ei vakker forteljing om ein sår relasjon mellom dei to. Boka har mange nydelege naturskildringar, og eit vakkert språk med dialog på eit flott hallingmål, spesielt frå gamle onkel Ivar.
EBElli Borge
Voss bibliotek
Nils Bjarne Stabæk
Voss bibliotek
Tilsett
Voss bibliotek
Ungdom – Vaksne
Fabelaktig fabelprosa
Fantastiske forteljingar frå Midgard til Mars!
Begrepet fabelprosa vart utvikla av den norske forfatterduoen Bing & Bringsværd som eit namn på alle slags typer fantastisk litteratur, frå fantasy til grøssarar til science fiction. Her har me samla litt av kvart.
Tilsett
Voss bibliotek
Tilsett
Voss bibliotek
- LR
Lene Rauland
Voss bibliotek
Vaksne
Hvorfor barnet koker i polentaen
Veteranyi, Aglaja • 2018
Inspirert av sitt eige liv skriv Aglaja Veteranyi brutalt og uttrykksfullt om eit flyktingbarns oppvekst i ein omreisande sirkusfamilie. Det er eit tilvære prega av angst og uvisse. Eit høgdepunkt med denne boka er språket, som er fortetta og underleg poetisk, og der forfattaren let enkelte setningar skrika mot oss med store bokstavar. For deg som liker intense lesaropplevingar.
LRLene Rauland
Voss bibliotek
- LR
Lene Rauland
Voss bibliotek
Vaksne
Så den store fuglen ikke tar deg
Kawakami, Hiromi • 2021
Hiromi Kawakami tek oss med på ei langsam og stillfaren reise gjennom ei framtid ulikt noko du har sett før. For å redde menneskeætta frå utrydning vert jordas ulike befolkningar heldt heilt atskilt frå kvarandre, og ulike løysingar vert tatt i bruk for å stimulere utvikling av nye menneskeslag. Skiftande forteljarstemmer gjev oss litt etter litt eit bilete av ei heilt unik verd. Ein fascinerande og tankjevekkande framtidsfabel.
LRLene Rauland
Voss bibliotek
«Kan små ting føre til store hendingar? Magi finst det?»
HGHelene Gjertsen
Voss bibliotek
Vaksne
Den lille kjærligheten
Miralles, Francesc • 2014
Den lille kjærligheten av Miralles Francesc
Kan små ting føre til store hendingar? Magi, finst det?
Litteraturprofessor Samuel bur åleine og trivst godt i eige selskap. Ein nyårsdag får han besøk av katten Mishima, som veldig gjerne vil inn til han. Samuel prøver å jage han vekk, men katten er sta. Etterkvart skjer det fleire overraskande ting i Samuel sitt vanlegvis så einsformige tilvere. Han vert kjend med fleire nye, litt originale, menneske og møter igjen sin barndoms store kjærleik, Gabriela.
Historien om Samuel vert fortalt i eit roleg tempo, med filosoferande henvisningar til litteratur og fysikk. Ein nokså sjarmerande og litt søt roman og starte det nye året med. Godt nytt leseår!
HGHelene Gjertsen
Voss bibliotek
