Voss herad

Me køyrer Mario Kart-turnering for born ca. 9-12 år! Speling frå klokka 11, turneringsstart ca. 11.30. Heider og ære og ein liten premie til vinnaren. Begrensa antal plassar, hugs å meld deg på!

Ta med deg eit barn du kjenner og syng med den stemma du har.

Denne hausten er det Solfrid Himle og Kari Finne Sognnæs som kjem for å synga med oss.

Seksjonane for arkiv, bibliotekutvikling og kulturarv i Vestland fylkeskommune arrangerer webinar for lokalhistorieinteresserte. Granvin filial i Kulturbanken i Granvin strøymer webinaret. 

Årets webinar tematiserer korleis kulturminne, stadnamn og andre kjelder er med på å byggje den lokale identiteten vår. Difor heiter årets webinar "Kulturhistorie gir lokal identitet".

Kl. 10.00: Velkomen v/ Arnt Ola Fidjestøl, seksjonssjef seksjon arkiv
Kl. 10.05: Stadnamn, språk og identitet v/ Gunnstein Akselberg
Kl. 10.30: Kunnskapsgrunnlag 2023: Bergverk og mineralutvinning på Vestlandet v/ Peter Forras, seksjon kulturarv

Kl. 11.15: Prosjekt «Litteratur i gamle hus». Sveio folkebibliotek tar i bruk gamle hus for å formidle litteratur på ein uventa plass, og samstundes vise noko av kulturarven i Sveio v/Kristine Thorkildsen, biblioteksjef Sveio kommune
Kl. 11.30: Stadnamnprosjektet i Gloppen. Gloppen kommune, Gloppen sogelag og Vestland fylkeskommune samarbeider om å samle inn stadnamn frå heile kommunen og publisere dei i kart på internett. Korleis går dei fram, og korleis kan laget ditt gjere det same? v/ Karl Peder Mork, seksjon arkiv
Kl. 11.45: Lokalt samarbeid mellom historielag og bibliotek i Samnanger. Historielag og biblioteket i Samnanger samarbeider om fleire arrangement. I 2022 hadde dei eit prosjekt om lokale foto med innsamling og utstilling v/ Tor Wold

Kl. 12.20: Skulen min-prosjektet. Skulenmin.no er ein nettportal til skulehistorie. Lær om dei ulike kjeldene til skulehistorie, og korleis du kan bidra til å fylle ut hola i historia v/ seksjon arkiv
Kl. 12.50: Kulturhistorisk museum i Bergen fortel om ombygging og vegen vidare.

Om du ikkje har anledning til å koma til biblioteket, men ynskjer å følgje arrangementet på nett, kan ein 

melda seg på webinaret ved å gå til Vestland fylkeskommune si sida og registrera seg der

Er du opptatt av menneskerettar, men er usikker på korleis du kan gjera ein forskjell? Eller kanskje du ynskjer å bli medlem i ein Amnesty-gruppe? Amnesty Region Vest inviterar til opent møte på Voss bibliotek!

Møtet vil gi ein introduksjon til menneskerettar, Amnestys arbeid lokalt og nasjonalt, samt korleis ein kan engasjera seg i organisasjonen.

Møtet er gratis og uforpliktande.

Spørsmål om arrangementet kan du sende til sbergesen@amnesty.no

Me les høgt frå bøkene våre, medan du strikkar, gjer anna handarbeid eller berre lyttar. Kaffe/te og twist

Gøyale og kreative aktiviteter for born! Program kjem.

Voss bibliotek inviterar til 8. mars-oppvarming. Me har invitert 4 flotte damer til ein samtale om kva betydning 8. mars og feminisme har for dei. Ungdom frå Gryto innleiier med eit blikk på 8. mars historia. 

ved ungdom frå Gryto «8.mars - eit historisk riss»

Kjersti Brakestad Boge, tidlegare sokneprest i heradet

Margrete Alm, dagleg leiar Voss utferdslag

Liv Finne Nybø, støttekontaktkoordinator i Voss herad

Vel eit motiv frå ei bok, eller teikn ditt eige motiv.

Verkstaden passar best for barn frå barneskulealder, men er open for barn i alle aldre.

Tidlegare NRK-korrespondent Odd Karsten Tveit har arbeidd i og med Midtausten i snart 50 år. I sin nye bok Palestina. Israels ran, vårt svik (2023) fortel han den konfliktfylte historia frå danninga av staten Israel i 1948 og fram til i dag. I ein personleg bok, prega av historier og notat frå eit langt reporterliv, tar Tveit eit oppgjer ikkje berre med Israelsk okkupasjonspolitikk, men også med norsk og vestleg veikleik. Møt Odd Karsten Tveit i samtale med journalist Nils Kvamsdal. 


Samtalen er en del av biblioteket sin nye arrangementsserie «Utsyn mot verda», som tar føre seg ny norsk sakprosa som vender seg mot omverda og internasjonale problemstillingar. Serien er støtta av Fritt Ord.

Denne våren er det Solfrid Himle og Kari Finne Sognnæs som kjem for å synga med oss.

Ynskjer du å utvida planteutvalet i heimen din? Da er biblioteket staden å vera denne laurdagen.

Ta med deg ein stikling frå ei plante du har, og byt den i ein stikling frå ei plante du ikkje har.

Lurar du på korleis du kan frakta stiklingen? Litt vått papir med ein plastpose rundt stilken holder stiklingen frisk og fin på vegen.

I vinterferieveka inviterar me til kreativ fargelegging og høgtlesing. 

Kom inn for ei koseleg stund med fargeblyantar og forteljarglede!

Verkstaden passar best for barn frå skulealder, men alle er velkomne. Yngre barn kan trenga hjelp frå føresette.

Velkomen til ein gøyal dag på biblioteket.

Aina Basso kjem til Voss bibliotek, og Frode Haltli er med på laget.

Aina Basso er ein anerkjent og prisbelønt forfattar og fekk i 2022 tildelt Samlagsprisen, der juryen påpeika at «Aina Basso utmerkar seg i samtidslitteraturen ved å skriva historiske romanar frå ståstaden til unge, utsette kvinner frå historia». 

Basso er utdanna historikar, og sjølv om bøkene hennar legg vekt på å vera historisk korrekte, så står dei på eigne bein som drivande gode skjønnlitterære verk. 

For ungdomsromanen Inn i elden blei Basso nominert til Brageprisen, Kulturdepartementets litteraturpris og Nordisk råds pris. Ho har dei seinare åra mellom anna skrive bøker om heksejakt i Europa og korleis det var å vera eit uønska barn i Kristiania under hundreårsskiftet. 

I vinterferieveka inviterar me til kreativ fargelegging og høgtlesing.

Kom inn for ei koseleg stund med fargeblyantar og forteljarglede!

Alle les same bok til kvart møte. Kva me skal lesa, vel me i fellesskap.

Til fyrste lesesirkelen du er med på, treng du ikkje ha lese noko.

Her er det låg terskel og god stemning. 

Februar-mars: Six of Crows (Kråkenes kunst) av Leigh Bardugo

Med ein pappsirkel og garn i forskjellige fargar kan ein laga seg eit flott armband. Me har garn og papp og viser deg korleis!

Frå 6 år. Dei minste treng kanskje litt ekstra hjelp.

Vinteren 2023 er Olaug Nilssen redaktør for ein antologi som lovar oss dikt til trøyst.  Samlinga har dikt frå mange kjende forfattarar, og me spør Olaug Nilssen om både kvifor me treng denne samlinga og korleis ho har arbeidd med utvalet til den.

Korleis påverkar tankane om kjærleiken livet vårt? Treng me å reflektere over kjærleiken? Kan fornufta og kjenslene møtast?

Kva er ein kjærleikskafé? Ein kjærleikskafé er ein stad der menneske på tvers av ulikskapar møtast for ein open og undersøkande samtale om kjærleiken som ein del av livet.

Samtalen vert leia av Emil Perón, som er dagleg leiar for STL (Samarbeidsrådet for tru og -livssyn) i Bergen.

Me byr på kaffi og noko å tygge på.

I samarbeid med aktivitetsutvalget i Human-Etisk Forbund

Voss bibliotek og Voss husflidslag inviterer til strikkekafé i glaskroken på biblioteket. Ta med deg handarbeidet ditt og kom!

Det vert servering av kaffi, te og noko å eta.

Kvifor er det så dødt på Vangen om ettermiddagane? Kan ein utvikle Vangen som eit regionssentrum og samtidig leggje til rette for meir aktivitet og handel i nabogrendene? Og kva skal eigentleg til for å gjere Vangen til ein meir levande plass her og no?

Med blant andre: Ordførar Tonje Såkvitne, Bjørn Brunborg, Lilly-Anne Selland (Voss sentrum), Sigbjørn Slåtten (Vossevangen utvikling) og Leif Helge Vevatne (Vinjo og Vossevangen huseigarlag). Det blir også høve til å kome med innspel fra salen.

Debatten blir leia av forfattar og journalist Randi Fuglehaug.

Etter arrangementet blir det debattnachspiel på Tre brør der diskusjonen kan fortsetje utover kvelden

Vossadebatt er ein ny debattserie frå Voss bibliotek i samarbeid med Avisa Hordaland.

Å lese frå scenen har blitt ein viktig del av virket til forfattarar i dag.

Sceneopptredena di kan vere ein viktig del av formidlinga av teksten din.
Den kan og ha påverkand på invitasjonar til litteraturscener og festivalar, og til sjuande og sist salstala for boka di.

Saman inviterar Tekstallianse, Voss Bibliotek og Prøverommet til Opplesningskurs med Erlend O. Nødtvedt og Prøverommet,
som denne gongen vil ha særleg fokus på tekst. 

Deltakarar vil få muligheit til å lese ein eigen tekst på Prøverommet same kveld.

Praktisk informasjon:

Tid: 27. april 2023 kl. 16:00-18:00

Stad: Voss bibliotek i  Voss kulturhus

Prøverommet starter kl. 19:00. Deltakarar vil motta praktisk informasjon på førehand.

Kurset har begrensa antall plassar.
Send ein epost til kontakt@tekstallianse.org for påmelding.

Skriv gjerne kort om motivasjonen du har for å delta på kurset.

Tekstallianse er eit nettverk for litteratur, tidsskrift og kritikk på Vestlandet. Formålet med Tekstallianse er å fremje skriftkulturen på Vestlandet, og medlemskap er gratis.

Voss bibliotek har, sidan dei flyttet inn i Kulturhuset på Voss i 2012, markert seg som ein viktig møteplass og kulturarena, med eit bredt og spanande program.

Prøverommet er eit kunstnerisk prosjekt i regi av BIT Teatergarasjen. Gjennom Prøverommet, kan ein få ein uformell muligheit til å prøve ut nytt kunstnerisk materiale av eit kva som helst medium (dans, teater, poesi osv.) framfor eit publikum.

Gjennom heile litteraturhistoria har reiseforteljinga vore ei populær sjanger. Både innanfor skjønnlitteratur og sakprosa har reiser vore fruktbare utgangspunkt for fortelje spennande historier og gje lesaren innsyn i framande stader, samfunn og kulturar.

Morten A. Strøksnes er idéhistorikar, journalist og forfattar. Reisa er ofte eit utgangspunkt i bøkene til Strøksnes, enten han oppsøker slagmarker etter narkokrigar i Mexico, to drapsdømte nordmenn i eit kongolesisk fengsel, eller han køyrar bil gjennom Aust-Europa, Midtøsten og Nord-Norge. 

(2022), er ein vitskapeleg biografi om Carl Lumholtz, Noreg sin einaste tropeoppdagar. For å knyte saman hans tid og vår, reiser Strøksnes òg i fotefara til Lumholtz, til Australia, Mexico, USA og gjennom det indre av Borneo

Kvifor har Strøksnes valt reise- og reportasjesjangeren for så mange av sine bøker? Kva moglegheiter ligg i denne sjangeren? Korleis går Strøksnes fram frå planlegginga av reisa til den er festa til papiret mellom to permar? Og kva var det som fascinerte så mykje med Carl Lumholtz?

Møt Morten A. Strøksnes i samtale med Erlend Liisberg, litteraturkritikar og programansvarleg ved Voss bibliotek.

Samtalen er ein del av biblioteket si arrangementsserie "Utsyn mot verda", som tek føre seg ny norsk sakprosa som rettar blikket mot omverda. Serien er støtta av Fritt Ord.

Hydrokoret vart stifta i 1973 for å synga ved joleavslutninga ved Hydros hovudkontor i Oslo. Sidan den gong har koret forvalta eit allsidig repertoar frå viser til store oratorium. Koret har gjennom femti år besøkt minst 30 ulike Hydro-fabrikkar i inn- og utland og slik vore ein fin bidragsytar til Hydro-kulturen.

På Vestlandsturneen har koret med seg eit heilnorsk repertoar som omfattar uroppføringar med tilhøyrsle i regionen. Koret har blant anna valt tekstar av Olav H. Hauge frå Ulvik, Torunn Ystaas frå Voss og Ragnvald Vaage frå Sunde med tonar av Kjell Habbestad frå Bømlo og korets dirigent Trond Dahlen. Særleg uroppføringa av diktet «Unde Joberget» av Voss sin store forfattar og sceneinstruktør Torunn Ystaas vil ingen Vossing gå glipp av.

IT-elevar frå Voss gymnas hjelper deg med det du lurar på om data og andre digitale hjelpemiddel. Her er det låg terskel og god stemning.

Det blir servering av kaffe og litt attåt. Tilbodet er gratis.

Datoar i vår er fredag 3/2, 17/2 og 14/4 klokka 14-15.30.

Påmelding i biblioteket eller på telefon 56519490.

Dette er den 9. boka til vossingen Sveinung Klyve og denne gong er temaet spor etter folk si ferdsle i fjellet i tusenvis av år. I boka skildrast dette gjennom 46 dagsturer der me kan vandra i fotspora til forfedrene våre.

I foredraget sitt vil Klyve fortelja om den nye boka, som er bygd på same lesten som slageren «Kremturar i Vossafjella» frå 2020. Han vil også fortelja litt om korleis han tok nokon av dei mest spesielle bilda han har.


Om forfattaren: Sveinung Klyve (63 år) har jobba med natur og miljøvern heile livet og skrive mange artiklar til bøker, blad og aviser. Han har ogsa? halde mange foredrag om bruk av naturen. Han er no tilsett som fagperson pa? vass- forvalting hja? Vestland fylkeskommune og har i 8 a?ra site i Voss heradsstyre som politikar for Miljøpartiet Dei Grøne.


Det vert sal og signering av boka etter foredraget.

Voss herad og Næringshagen ynskjer å samla innbyggjarar, gründerar, lag, organisasjonar og etablerte verksemder for å drøfta korleis me kan dela, låna og reparera meir lokalt.

Når vaskemaskina ryk, køyrer du ho til ein verkstad for kvitevarer og ikkje på miljøstasjonen. Den lokale skreddaren fiksar hòlet på buksa di slik at ho varer nokre år til. Du veit akkurat kor du skal gå for å få lånt deg ein slagbor eller andre verktøy du nyttar sjeldan. Og når ungane treng nye fotball- eller bunadssko er det enkelt å kjøpa dei brukt framfor å kjøpa nye. Korleis kan Voss verta ei slik bygd der fyrstevalet er å dela, låna og reparera? 

Forbruket vårt skapar store utslepp i andre deler av verda. Gode måtar å få ned desse utsleppa på er å: 

Dela og låna meir på tinga våre i staden for å eiga alt sjølv 

Kjøpa brukt i staden for å kjøpa nytt 

No ynskjer me å høyra frå alle dykk som ynskjer å dela, låna og reparera meir: Kva er hindringane for å få dette til? Kva treng Voss for å kunna verta ei meir sirkulær bygd? 

Påmelding innan 5. juni, her eller gjennom skjema: 

Kva er lovleg sjølvforsvar etter FN-pakten, og når er eit angrep som rammar sivile folkerettsstridig? Og kva reglar gjeld eigentleg på bakken i ein krig? 

Med folkeretten som bakgrunn vil Cecilie Hellestveit fortelje om dei juridiske utgangspunkta for den forferdelege situasjonen på Gaza og krigen i Ukraina. 

Cecilie Hellestveit er jurist og konfliktforskar med doktorgrad i internasjonal humanitærrett frå Universitetet i Oslo. Ho er forfattar av fleire bøker, mellom anna om 

 (2020) og om krigane i Jemen og Syria. Hennar siste bok, 

Dårlig nytt frå Østfronten - krigen som endrer alt

Me leser nokon fine biletbøker, forteljingar eller rim og regler.

På spelkveldane spelar me forskjellige spel saman på Nintendo Switch og Xbox – til dømes Minecraft, FIFA og spanande indie-spel. 

Program kjem. Merk aldersgrense på spelet.

«Nåden – Ormen og lammet» er eit episk langdikt, ei forteljing om eit kvinneliv på ein vestlandsgard på 1900-talet. Når mora døyr, blir Marta og systera sett bort til nære slektningar. Marta går gjennom livet utan å eiga noko, men saknet etter systera, håpet om ein stad å høyra til, og kjærleiken til natur og arbeid let henne sjå menneske og verda utanfrå, og nåden openberrar seg i glimt på uventa stader.

Om forfattaren: Anne Rivenes bur på Voss. Ho har jobba mange år som journalist, men er også sauebonde og yogalærar. «Nåden – Ormen og lammet» er hennar første bok.

Torsdag 2.november feirar me utgjevinga. Boka blir presentert av Dan Andersen, sjefredaktør for skjønnlitteratur i Bonnier Norsk Forlag, før forfattaren blir intervjua av Lars Mossefinn. Det blir også opplesing til musikk frå Jo Asgeir Lie, boksal og signering. Alle er velkomne!

Denne kvelden dykkar me ned i Helga Flatland sin nyaste roman 'Etterklang' der både ho og hovudpersonen returnerer til bygda i Telemark. Samtalen blir leia av forfattarkollega Mikkel Bugge.

I romanen 'Etterklang' møter me Mathilde og Johs som på kvar sin kant kjenner seg einsame, ute av kontakt med verda. Det er byrjinga på pandemien og Noreg blir stengd ned. Kva skjer når byjenta Mathilde rømjer til landsbygda på jakt etter det ekte og autentiske livet?

Få skriv så truverdig om mellommenneskelege relasjonar som Flatland. Med imponerande presisjon utforskar ho kjærleiksband, relasjon mellom mor og born, og det å leve i skuggen av kjende foreldre og besteforeldre.
Det er både attkjennande og gripande.

Lesekiosken i Granvin vert no landets fyrste diktomat. Her kan du høyra to dikt frå Ruth Lillegraven si diktsamling "Sigd" på norsk, engelsk, nederlandsk, tysk, fransk og spansk. 

I dag les me høgt frå boka Harry Potter og de vises stein av J.K. Rowling. Etterpå vert det fargelegging av magiske motiv.

IT-elevane på Voss gymnas kjem til biblioteket for å hjelpe deg med det du måtte lure på om telefonen, nettbrettet eller datamaskina di.

Seksjonane for arkiv, bibliotekutvikling og kulturarv i Vestland fylkeskommune arrangerer webinar for lokalhistorieinteresserte. Biblioteket strøymer webinaret i Lokalhistorie-rommet. 

Me perler figurar! Me har perler, perlebrett, strykejern og oppskrifter (eller du kan berre perle etter fantasien!)

I 2022 kom boka "Til Jord skal du bli" av Anders Totland ut, og dette er ei forteljing der me møter ein pensjonert prest som røktar bier, brenn sin eigen sprit, og i løpet av nokre få førjulsdagar plutseleg blir både bestefar og mordar. Det er eit salig kaos. Og ganske artig.

Anders Totland fekk Nynorsk barnelitteraturpris i 2016 for "Engel i snøen" og i 2019 vart boka kåra til ei av dei ti beste ungdomsbøkene som er skrivne på nynorsk etter år 2000. For "Så lenge ingen ser oss" fekk han i 2018 Ordknappen, eit heidersmerke frå Leser søker bok. Han har òg fått fleire prisar for arbeidet sitt som journalist (kjelde: SNL.no)

Olaug Nilssen er ikkje ein forfattar som vegrar seg for å behandle utfordrande tema. Då ho fekk sitt gjennombrot med romanen 

 i 2005, skreiv ho om tabu knytt til ungdom og seksualitet. Mens dei tre siste romanane hennar alle handlar om barn som krev ekstra omsorg.

I den sjølvbiografiske romanen 

 (2017), som ho fekk Brageprisen for, fortel ho med ei uvanleg openheit om det å vere mor til eit sterkt funksjonshemma barn, eit tema som blei vidareført i 

 (2023), handlar om ei familie der livet blir fullstendig dominert av omsorgsbehovet til ein psykisk utviklingshemma son, som også byrjar å utagere seksuelt.

Kan desse romanane lesast som uttrykk for noko politisk prosjekt? Og kvifor har ho nettopp valt skjønnlitteraturen som sjanger for å utfordre oss med problemstillingar rundt omsorg, morsrolla, seksualitet og ein velferdsstat som ikkje alltid stiller opp?

Olaug Nilssen blir intervjua av programansvarleg ved biblioteket, Erlend Liisberg.

«Problem under debatt» er ein ny arrangementserie frå Voss bibliotek som undersøkar kor levande norsk samtidslitteratur er i dag, på grunnlag av det gamle premisset frå litteraturforskaran Georg Brandes (1842-1927 om at «Det, at en litteratur i vore dage lever, viser sig i, at den sætter problemer under debat». Serien er støtta av Kulturrådets ordning for litteraturformidling.

Vil du ha med deg eigen spelkonsoll å spela på, ber me om at den er håndholdt (t.d. Nintendo Switch).

Arrangementet er gratis og alle er velkomne.

20. april: Minecraft (Ta gjerne med eiget spel om du har!)

Voss Ættesogelag har denne laurdagen invitert «Slekt og Data» frå Bergen for å fortelje korleis deira organisasjon arbeider og korleis ein finn fram på nettsidene deira. Dei vil også vise korleis ein kan søke i digitalarkivet. Seinare blir det det "slektshjelp" der kvar og ein kan få hjelp av Ættesogelaget til å finne eige slekt.

Voss Ættesogelag vart stifta i 1989 og har ca 20 – 25 betalande medlemer. Laget har møte på Voss bibliotek ein gong pr. mnd (sept. – april), vanlegvis fyrste tysdagen i månaden. Dei fleste «oppdraga» laget får er å finne slekt på Voss, men ein kan også nøste opp andre stader i landet. Pågangen frå USA er i periodar stor. I tillegg til alt som ligg på nett, har ein tilgang på avskrifter frå kyrkjebøkene og «slektslister» laga av avdøde Johannes og Liv Ystaas. 

Slekt og Data er Norges største organisasjon for slektsforskare. Lokalavdelinga i Hordaland arrangerer faste møtekveldar på Kronstad Hovedgård i Bergen. Der tek dei opp ymse tema og hjelper til med slektsgransking. Gruppa har ofte slektshjelp på biblioteka rundt om i Bergen og møtes av og til på Statsarkivet. Dei har også temakveldar for slektsprogramma Brothers Keeper og Embla. På slektslaurdagen vil medlemer frå Slekt og Data vise kva ein kan få tilgang på som medlem.

Maria Horvei frå Bolstad er skribent, kritikar og forlagsredaktør, og i 2022 debuterte ho som skjønnlitterær forfattar med romanen "Gratulerer med dagen".

"Gratulerer med dagen" tek oss med til 17. mai i ei lita vestlandsbygd. Her er det duka ikkje berre til fest, men også for store spørsmål rundt nasjonalkjensle og tilhøyrsle.

Denne maikvelden tek me ein prat med Maria Horvei om romandebuten. Velkomen til bokdykk!

Her møtes folk frå ulike land og og kulturar. Du som har norsk som morsmål, bidreg til at innflyttarar får øve seg på å snakka norsk . Samtalane er som oftast uformelle og føregår i små grupper. Me ynskjer velkomen både til dei som har vore med tidlegare og til deg som ikkje har vore med på dette før. Enkel servering. Arrangementet er i samarbeid med Voss vaksenopplæring.

Listetoppane i Voss herad stiller til debatt om dei mest aktuelle sakane før årets lokalval. Ordstyrar er Nils Kvamsdal.

Arrangemenetet er gratis og ope for alle. Du kan òg sjå debatten direkte på nettavisa til Hordaland.

Studentane frå Ole Bull Akademiet kjem på besøk og fyller biblioteket med flott folkemusikk. Unn deg sjølv ein musikalsk pustepause denne føremiddagen.

Songstund i barneavdelinga med verdsberømt songar Justin Bieber.

Byt dei gamle klesskattane du ikkje lenger brukar – og få nye favorittar i retur samstundes som du sparar miljøet! Laurdag 22. april 2023 kjem Den store klesbyttedagen til Voss bibliotek!

Mange av oss har alt for mykje klede allereie. Samstundes ynskjer me oss nye klede. Laurdag 22. april vert det arrangert klesbyttefest på Voss bibliotek klokka 11-14, for deg som vil fornya klesskapet på ein miljøvenleg måte.

Klesbyttekonseptet er enkelt: Finn fram opp til sju heile, reine og fine plagg frå bakerst i klesskapet. For kvart plagg du har med deg får du ein kupong du brukar til å bytte til deg eit nytt plagg som du faktisk har lyst til å bruka.

Innlevering av klede skjer veka før arrangementet, frå måndag 17. april til og med laurdag 22. april, på Voss bibliotek (i biblioteket sine opningstider). Sørg for at klea er reine og i god stand.

Kvifor gir musikalsk samspel ei så sterk oppleving av kreativ forløysing? Og korleis kan musikk nyttast som inngang til utvikling av personleg leiarskap?

Gisken Holst er utdanna psykolog og er med på å drive Solstrandprogrammet - eit program for norske toppleiarar. Her nyttast mellom anna musikk og kunst aktivt som inngang til utvikling av det personlege i leiarskapet. Gisken arbeider mykje med grupper, relasjonar og arbeidsmiljø, og korleis dynamikk og sosiale prosessar utviklar seg i grupper.

Lars Kolstad er musikar og musikkpedagog og har spesialisert seg på å forvandle kva som helst gruppe menneske til eit pulserande rytmisk orkester. Trommesirkelen blir ein levande metafor for korleis me som gruppe lukkast med å samhandle, og svaret får me straks gjennom musikken me skapar. Kva krevst av lytting, dedikasjon, mangfald og leiing - om me skal lukkast med å skape noko ingen av oss kan meistre åleine, men som me likevel alle støttar heilhjarta opp om?

Nøkkelordet er mangfald som rikdom. Det handlar om korleis me kan møte potensialet som finst i ei gruppe, slik at det kan frigjerast til noko samskapande. Kan det vere slik at det er relasjonane me byggjer mellom oss som gjer musikken meiningsfull? Før me slepp samtalen laus, får me høve til å gjere våre eigne erfaringar: Me inviterer publikum med på trommesirkel!

Arrangementet er ein del av Notelangs, ei arrangementsrekke med paneldebattar, utøvarsamtalar og lytteverkstadar. I samarbeid med Annabel Guaita.

Studentane frå Ole Bull Akademiet kjem og fyller biblioteket med flott folkemusikk. Arrangementet er gratis og alle er velkomne.

Metoden er enkel. Den går ut på at ein leseleiar les ein skjønnlitterær tekst høgt i ei gruppe, og deretter har gruppa ein samtale om teksten. 

Fyrst les gruppa ei novella, så eit dikt. Fokuset i samtalen er ikkje på litterær analyse, men på opplevinga av teksten. Me undrar oss saman. Målet er ikkje å kome fram til ei felles tolking, men å bringa inn forskjellige perspektiv og opplevingar av teksten, slik at me utvidar opplevinga for kvarandre. Me les for å bli klokare på oss sjølv – og andre.

I dag vert det høgtlesing frå ei kjekk bok, og på den kreative verkstaden kan du både fargeleggja og få laga di eiga lykt (ta gjerne med deg eit tomt syltetøyglas!)

Kva moglegheiter ligg i teikneserien? Og korleis kan den seriøse teikneseriekunsten vera samfunnsrelevant?

Steffen Kverneland er teikneserieskapar og illustratør, med ei mengd kritikarroste utgjevingar bak seg. I sine nyskapande bøker er han ikkje redd for å gå inn i vanskelege tematikkar, som då han i "En frivillig død" (2018) teikna fram forteljinga om sjølvmordet til sin eigen far, eller då han fortalde den sårbare, men samstundes morosame, skildringa om si eiga historie i boka "Brillegeit" (2021).

I fjor gav Kverneland ut ei ny sjølvbiografisk teikneseriebok, «Skygger», med teikningar og forteljingar om kvardagslykke som når som helst kan knusast av plutselege krisar som krig, pandemi, sjukdom eller død, men også om kjærleiken mellom far og adoptivson, skjønne sølepyttar og mystiske steinar i skogen.

På kva måtar er det annleis å handtera alvorlege tema i teikneseriar? Kva moglegheiter ligg i samspel mellom bilete og tekst? Og tenkjer Kverneland at han set problem under debatt?

Møt Steffen Kverneland i samtale med bibliotekar og formidlar Silje Solstad.

"Problem under debatt" er ein arrangementsserie frå Voss bibliotek, som undersøkjer kor levande norsk samtidslitteratur er i dag, ut frå den gamle premissen frå litteraturforskaren Georg Brandes (1842-1927) om at "Det, at ein litteratur i våre dagar lever, viser seg i, at den set problem under debatt". Serien er støtta av Kulturrådets ordning for litteraturformidling.

To lokale forfattarar tar med deg sine nye bøker til lanseringsfeiring på biblioteket. I 

ser forfattaren Åse Lilleskare Faugstad tilbake på livet som skrivande menneske. I boka blandar forfattaren ulike sjangrar – tankar, minne, essays, slektshistorie og noveller. Tekstane talar til alle som reflekterer over livets gang. 

 er Einar Bardal sin fjerde roman. I boka blir vi kjent med ein mann som må halde mykje av fortida si for seg sjølv, elles kan han bli riven bort frå den eller dei han er glad i. 

På lanseringa vil begge forfattarane samtale om og lese frå dei nye bøkene. Det vil også være mogleg både å kjøpe bøkene og få dei signert.

Åse Lilleskare Faugstad (f. 1941) er ein etablert norsk forfattar og lyrikar, busett på Dale. Ho debuterte med diktsamlinga 

i 1966 og har sidan då gitt ut fleire diktbøker, i tillegg til noveller og forteljingar. Ho er utdanna i språk og litteratur og har arbeidd som lektor m.a. på Voss og i Bergen.

Einar Bardal (f. 1933) debuterte som skjønnlitterær forfattar i 2016 med romanen 

. Bak seg har han ein lang akademisk karriere som professor i ved Institutt for produktutvikling og materialar ved NTNU. Bardal er frå Egge i Nord-Trøndelag og bur no på Voss

Velkomen til Strikk og Lytt i biblioteket. Me les høgt frå bøkene våre medan du strikkar, gjer anna handarbeid eller berre lyttar. Enkel servering.

Møt livet! Musikk, litteratur og kultur i et helhetlig helseperspektiv

Velkomen til samtale og musikk med Edvin Schei, professor i allmennmedisin og Annabel Guaita, pianist og formidlar av klassisk musikk gjennom konseptet Notelangs.

Arrangementet er ein del av Notelangs, ei arrangementsrekke med paneldebattar, utøvarsamtalar og lytteverkstadar.

Har du lyst til å læra meir om korleis du kan laga ein beredskapshage? 

Bli med når Anders Nordrum kjem til Voss bibliotek for å halda føredrag. 

Føredraget gjev ei enkel innføring i erfaring og kunnskap knytt til dyrking og lagring av ulike grønsaker, der gamal kunnskap også har ein plass.

Det vil handla ein god del om jord og livet i jorda og korleis å lage ei fruktbar jord ved hjelp av lokale og minimale ressursar. Dette er spesielt med tanke på auka matberedskap i ei krisetid. 

Anders Nordrum er gartnar, pedagog og lærar, og har mange år bak seg som lærar i gartnarfag ved Gjennestad vidaregåande (tidlegare gartnarskule). Dei siste 12 åra har han arbeidd i Kriminalomsorga med gartnarfag som verktøy. Sidan 2015 har han og kona Barbro drevet føretaket Datsja, som driv med kunnskapsformidling gjennom blogg, kurs og føredrag. 

Øystein Bogen har nærare 30 år bak seg som utanriksreporter for TV2 med Russland som hovudfelt. Han snakkar russisk flytande og har over hundre reiser til landet. Han er for tida utstasjonert i Ukraina. Også som sakprosaforfattar har han hatt Russland som ei overordna interesse, med bøker som «Russlands hemmelige krig mot Vesten», «Putin og jeg» og «En uvanlig spion», om spionsaka knytt til den norske grensevakta Frode Berg.

Dei seinare åra har Bogen også teke innsiktene sine i russisk politikk og etterretning til skjønnlitteraturen, med førebels tre spennande thrillerar frå Nordområda: I «Zetaviruset» (2021) handlar det om russiske cyberoperasjonar, medan utgangspunktet i «Provokasjonen» (2023) er at Wagnergruppa prøver å annektere Svalbard. Denne våren er Bogen aktuell med boka «Pegasus». Boka startar med at Noreg sin ambassadør i Russland blir funnen død på kontoret sitt.

Me tar utgangspunkt i Bogen sin nye bok og spør: Korleis nyttar Bogen innsiktene sine og erfaringane sine når han diktar? Kva moglegheiter finn han i thrillersjangeren? Og vil han lære lesaren noko med desse bøkene?

Forfattaren blir intervjua av programansvarleg ved biblioteket, Erlend Liisberg.

"Problem under debatt" er ein ny arrangementserie frå Voss bibliotek, som undersøkjer kor levande norsk samtidslitteratur er i dag ut frå den gamle premissen frå litteraturforskaren Georg Brandes (1842-1927) om at "Det, at ein litteratur i våre dagar lever, viser seg i, at den set problem under debatt". Serien er støtta av Kulturrådets ordning for litteraturformidling.litteraturformidling.

Dette er den 9. boka til vossingen Sveinung Klyve og denne gongen er temaet spor etter folk si ferdsle i fjellet i tusenvis av år. I boka vert dette skildra gjennom 46 dagsturer der me kan vandra i fotspora til forfedrane våre.

Om forfattaren: Sveinung Klyve (63 år) har jobba med natur og miljøvern heile livet og skrive mange artiklar til bøker, blad og aviser. Han har også halde mange foredrag om bruk av naturen. Han er no tilsett som fagperson på vassforvaltning hjå Vestland fylkeskommune og har i 8 år sete i Voss heradsstyre som politikar for Miljøpartiet Dei Grøne.


Ruth Lillegraven debuterte med diktsamlinga Store stygge dikt i 2005. Sidan då har ho hatt eit variert og spennande forfattarskap med over 20 bøker. Dei famnar diktsamlingar, roman, sakprosa og krim. Lillegraven skriv både for born og vaksne. Ho har vunne fleire prisar, blant anna Brageprisen for diktboka Urd. 

Denne kvelden skal me bli betre kjent med Ruth sitt forfattarskap. Kva er det som interesserer ho med dei forskjellige sjangrane? Er det tema som går igjen i forfattarskapet? Dette vil me prøva å finna svar på i bokdykket med Ruth Lillegraven. 

10:00 Velkommen v/ Arnt Ola Fidjestøl, Vestland fylkeskommune, seksjon arkiv

10:05 Vetestadane i Vestland v/ Jostein Aksdal, Vestland fylkeskommune, seksjon kulturarv

10:35 Gotisk skrift – kvifor kjenne til det? v/ Yngve Nedrebø, Statsarkivet i Bergen

11:15 Holevikjekta v/Anne Kristin Moe, Nordfjord folkemuseum

12:20 Mellomalderretten – kristenrett og landslov v/ Jørn Øyrehagen Sunde, Universitet i Oslo

12:50 Magnus Lagabøtes Landslov v/ Knut Høiaas, Bymuseet i Bergen, Landslovjubileet i Vest v/Anna Elisa Tryti, Vestland fylkeskommune

Framføringa er eit samanhengande program på ein time, som vekslar med spel på ulike felestille og tekstar av kjende og mindre kjende forfattarar frå Hans E. Kinck til Jon Fosse. Omframt desse to kjem dei mellom andre innom Olav H. Hauge, Knut Hamsun, Tarjei Vesaas og Ruth Lillegraven.

Arne-Ivar Kjerland les skjønnlitterære tekstar om hardingfela og bind saman programmet. Knut Hamre spelar og presenterer slåttar som på ulik vis høver saman med tekstane.

Knut Hamre og Arne-Ivar Kjerland, som begge kjem frå Granvin, har i dei siste åra framført fleire program saman om ulike tema. Hamre er vel kjend som meisterspelemannen. Kjerland er antikvariatbokhandlar i Tvedestrand og mykje brukt som kåsør både i aust og i vest.

Historia om Alf Prøysen er historia om ein klasse­reise med mange hindringar. Fødd som husmannsgut og ende som ein av Noregs mest elska visediktarar. Han har blitt allemannseige. Det er lett å gløyme kor tung vegen var å gå, og i dag er boka «Trost i taklampa» ikkje lenger ei bok alle må lesa. Den var i si tid Noregs mest selde bok og utløyste debatten om flukta frå bygda. Ho vart dramatisert og filma og gjorde Prøysen til ein mediestjerne i samtida, ein hylla artist som sleit med dårleg sjølvtillit, for alltid ein «husmannsgut».

Konsertframsyninga, som hentar stoff frå Ove Røsbak sin bok «Alf Prøysen», er historia om retten til å vera seg sjølv, gå med den hatten ein vil, trosse folkesnakket. Men det er òg historia om alle bølgedalane som følger med det å være berømt . Mot slutten av livet merka Prøysen godt at nordmenn hadde fått smak for engelskspråkleg populærmusikk, Beatles, Elvis, jazz, og interessa for livet på landet var dalande.

"Den gode melodi" er ein profesjonell duo bestående av Leif Blix og Lars Nygaard. Dei har turnert saman siden 1992.

Velkomen til ei kjekk og kreativ stund der me lagar artige bokmerke.

Kvifor elskar me? Kva skjer når me opplever den store romantiske kjærleiken? Kvifor er menneske så ofte monogame? Korleis kan homofili forklarast evolusjonsbiologisk? Og kva skal me eigentleg med kjærleiken til venner, Gud og fotballaget? 

Med utgangspunkt i boka "Evig kjærlighet - Den evolusjonære historien" forklarer Vibeke Riiser-Larsen og Erik Tunstad i dette føredraget kva kjærleik er, korleis denne drivkrafta har utvikla seg og kvifor ho har vore nyttig for oss reint evolusjonært. Det er også eit foredrag om korleis kjærleiken artar seg, både hos dyr og menneske. 

Vibeke Riiser-Larsen er forfattar og forskingsskribent. Ho publiserte i 2023 boka "Evig kjærlighet - Den evolusjonære historien", i samarbeid med Erik Tunstad. Ho har elles gitt ut ein roman i tillegg til fire bøker i sakprosasjangeren. 

Erik Tunstad er biolog, forskingsjournalist og forfattar. Han publiserte i 2023 boka "Evig kjærlighet", saman med Vibeke Riiser-Larsen. Han har elles gitt ut fleire bøker, særleg om naturvitskaplege emne.

Arrangementet i samarbeid med aktivitetsutvalget i Human-Etisk Forbund

Datoar i haust er torsdag 1/2, 15/2 og 4/4, 2/5 og 30/5 klokka 13-14.30.

Her får du som har norsk som morsmål, høve til å treffe folk frå andre land og kulturar, samstundes du bidreg til at desse får øve seg på å snakke norsk. Me ynskjer velkomen både til dei som har vore med tidlegare og til deg som ikkje har vore med på dette før. 

Arrangementet er i samarbeid med Voss Vaksenopplæring, som stiller med nokre av sine elevar. Samtalane er uformelle og ein pratar saman to eller tre, i små grupper. Me får veldig gode tilbakemeldingar på desse arrangementa. 

På kreativ verkstad legg me til rette for forskjellige aktivitetar for born. 

I Leander Djønne sin mørke debutroman møter vi ein familie som er gjennomsyra av vald og vreide. Oskespiralen er ei forteljing om to brør sitt oppgjer med fortida, ein far med umenneskeleg framferd og ei ur som er i ferd med å losne over heimgarden.

Boka, som Djønne fekk strålande kritikkar for og vart tildelt P2-lytternes romanpris for, skildrar både drap og mishandling og tematiserer skuld og soning, ondskap, hemn og spørsmål knytta til arv og miljø.

Kor utfordrande er det å gjere så fæle hendingar og dystre tema til stor romankunst? Tenkjer Djønne sjølv at han tek opp alvorlege samfunnsproblem i boka? Og kva meiner han om Brandes gamle krav om at litteraturen må sette problem under debatt?

Leander Djønne blir intervjua av programansvarleg ved biblioteket, Erlend Liisberg.

"Problem under debatt" er ein ny arrangementserie frå Voss bibliotek, som undersøkjer kor levande norsk samtidslitteratur er i dag basert på den gamle premissen frå litteraturforskaren Georg Brandes (1842-1927) om at "Det, at ein litteratur i våre dagar lever, viser seg i, at den set problem under debatt". Serien er støtta av Kulturrådets ordning for litteraturformidling.

Sjå korleis konservator Wiebke Lüders, gitar- og fiolinmakar Lukas Pawelka og fløytemakarane Stein Villa og Steinar Ofsdal arbeider! Du kan også prøve deg som instrumentmakar!

Heilt sidan 2004 har Ole Bull Akademiet, der Osafestivalen held til, drive ein eigen verkstad for hardingfelebygging og reparasjon av instrument. Her arbeider både Wiebke og Lukas. Verkstaden har vorte ein stad som mange musikarar og andre hardingfeleinteresserte søkjer til. På felemakarverkstaden reparerer dei hardingfeler og andre typar instrument laga av tre, som t.d. instrument frå fiolin-, gitar- eller viola da gamba-familiane. I spesielle tilfelle repararer dei også historiske tangentinstrument som cembalo eller spinett. Målet er å gje instrumenta best mogleg lydkvalitet og at dei skal vera lettspelte, samstundes som ein bevarar instrumentets orginalitet.

TIPS: Ta med borna på Osarebusen som startar ved Tintrabrua kl.11.30 og avsluttar ved Voss bibliotek.

På barna sin hagedag blir det mogleg å utforske jord, plantar og insekt som ein finn i hagen. Ein kan planta frø som kan tas med heim, ein kan sjå på insektshotell og det blir quizløype! 

Ein kan få kjøpt seg ein kopp kaffi eller saft og vaffel, om ein har lyst på det! 

Jordas klima har aldri vore stabilt, men har skifta mellom å vere eit drivhus og eit ishus. Går vi 55 millionar år tilbake, var planeten vår over fem grader varmare enn i dag, medan ho for 20 000 år sidan var fire grader kaldare. No er me igjen på veg inn i drivhuset – raskare enn før og for eiga maskin. I den kritikarroste boka "Ild og is" (2022) spør geolog Reidar Müller kva jordas djupare klimahistorie kan fortelja oss om framtida. Korleis såg verda ut då jordas klima var berre litt varmare enn i dag? Kva hende sist gong Golfstraumen kollapsa? Og når levde det alligatorar og kamelar i Arktis? I eit føredrag krydra med overraskande fakta, vitskapshistorie og ny forsking, hjelper Reidar Müller oss å forstå bakgrunnen for den klimakrisa vi står ovanfor i dag.



Foredraget er en del av biblioteket sin nye arrangementsserie «Utsyn mot verda», som tar føre seg ny norsk sakprosa som vender seg mot omverda og internasjonale problemstillingar. Serien er støtta av Fritt Ord.

Me feirar avslutninga av årets Sommarles med underhaldning, trekking av premiar og utdeling av diplom!

Me får besøk av forestillinga Tatoveringen: Ein vaksen, tatovert mann fortel om reisa si i eit framand land. Midt i ei vassklie vert han dratt som ein Alice i Eventyrland inn i ei anna verd, gjer eit simpelt lovbrot og vert tatt til fange. Ein saktmodig konge og ein høgst uberegneleg fangevoktar vil statuera eit eksempel og straffa guten på det strengaste, men guten begynner, akkurat som Sjerazade i 1001 natt, å fortelja eventyr. Ja, han må fortelja for livet.

Tatoveringen er skreve og regissert av Lars Vik.

Me har lenge visst at rørsle til musikk og rytmar har ein svært positiv effekt på dei fysiske symptoma hos personar med Parkinson: Å kunne vera i musikken gjer at mange opplever at dei får betre kontroll over bevegelsane, der taktfaste rytmar tilbyr eit slags "stillas" som ein kan støtte seg på.

Kjetil Vikene leier no eit større forskingsprosjekt som tar sikte på å undersøke nevrologiske, kognitive og emosjonelle effektar der menneske med Parkinson si sjukdom lærer å spele trommer. Dei undersøker om tromming gir pasientane betre koordinasjon i armar og bein. Vikene er òg utdanna litteraturvitar,  skriv om musikk for Ballade og om fagbøker for Forskerforum. Han har tidlegare syssla som essayist, omsetjar og skjønnlitterær bokmeldar.

Notelangs er ei serie kritikarsalongar, utøvarsamtalar og lytteverkstadar om musikk. Føretaket vert leia av pianist og førsteamanuensis ved Griegakademiet i Bergen, Annabel Guaita. Serien sin raude tråd denne hausten har vore ei utforsking av korleis musikken, kunsten og litteraturen kan få større meining i livene våre. Gjennom tverrfaglege samtalar er målet å undersøke særleg musikken som kjelde til livskraft, menneskeleg erkjenning og dens helande verkning.

Det vil bli opplesingar, tekstilkunstverk, dans og god stemning. Erlend Nødtvedt, Sandra Blichert, Shelmith Øseth, Voss lyrikklag og meir!

Eit samarbeid mellom Tekstallianse, Voss bibliotek og Prøverommet / BIT Teatergarasjen. Arrangementet er gratis og ope for alle.

Sandra Blichert vil presentere ein ny ide utløyst av temaet «tekst», som i seg sjølv kjem frå latin og tyder «vevd». Ho prøver ut måtar å animere ord skulpturelt gjennom bruk av tekstilar. «Ord er så små og så tunge på same tid». Sandra tenkjer på «korleis ord kan vere så ringe når dei vert lest flyktig, men tunge om du les dei til akkurat rett tid, når du er mottakeleg for deira kraft og magi»

Sandra Blichert f. 1984 (DK/NO) has a BFA from Gerrit Rietveld Academie, Amsterdam, Kuvataideakatemia, Helsinki and a MFA fra KMD. She works project-based across media and has recently exhibited at Norske Grafikere, Habitat Artspace, Arkivet at Tou Trykk, Visningsrommet USF and Danske Grafikeres Hus in Copenhagen.

Opplesing av Erlend O. Nødtvedt med fleire: Erlend les sine tekstar med særpreg. Då han leste frå diktsamlinga si Bergens beskrivelse for ein full sal med skeptiske ungdomar på DKS i 2019, fekk han stor applaus og ein i publikum utbraut «det var kulare enn Hkeem». 

Tidlegare same dag held Erlend opplesingskurs. Nokre deltakarar frå kurset kan dele opplesingar på dette arrangementet.

Erlend O. Nødtvedt debuterte i 2008 med diktsamlinga Harudes. Sidan den gong har han utgjeve diktsamlingane Bergens beskrivelse (2011), Trollsuiten (2014) og Slekter (2019) – i tillegg til romanane Vestlandet (2017) og Mordet på Henrik Ibsen (2021). Helt frå debuten har Nødtvedt begeistra litteraturanmeldarar, og vert sett på som ein av sin generasjons sentrale forfattarar. «Ein av poesihaustens mest potente og originale utgjevingar», skreiv Bergens Tidendes anmeldar om Nødvedt si diktsamling Bergens beskrivelse (2011)

Medlemer frå Voss lyrikklag vil dele eit utval dikt og prosa. Føremålet til Voss lyrikklag er å fremja interessa for – og bruk av tradisjonell lyrikk og samtidslyrikk. Laget står for arrangement om dikt/tekst/poesi/song og musikk, forfattarføredrag og anna som interesserer skrivande menneske. På fb-sida til laget legg Jan Jøssang ut Månadens dikt. Dette når folk kringom heile landet.

Shelmith Øseth er ein frilans dansar med base i Bergen, Norge. Reisa hennar starta etter deltakinga i Norwegians Got Talent i 2017, der ho mottok ein gullsummer for semifinalen. Shelmith studerte seinare ved Langhaugen dansegymnasium og seinare ved Skolen for samtidsdans i Sverige. Etter å ha blitt med i Fargespill Bergen utvikla Shelmith seinare meir interesse for improvisasjon og samtidskunst i tillegg til ulike tradisjonelle afrikanske dansesjangrar. Shelmith har dei siste åra jobba med både teater- og danseprosjekt både i og utanfor ulike danse-. Kunstneriske rom og teaterselskap, som Teater ZeBU i Danmark, Nasjonalteaterscenen i Bergen, og Bergen Kunsthall, Nordic Black Theatre i Oslo og mange fleire. Shelmith jobba nyleg med å lage sitt eige stykke kalla wakati (tid). Prosjekta ho deltek i fokuserer både på samfunnspørsmål og på dansen sitt reine uttrykk.

Brynjulf Jung Tjønn fekk stor merksemd og rosande kritikkar for si siste diktbok «Kvit, norsk mann» (2022). Han blei også tildelt både Kritikerprisen, Ungdommens kritikerpris og Nynorsk litteraturpris. Boka, der Jung Tjønn byggar på eigne erfaringar, er ein samling vonde og kloke – men tidvis også morosame – dikt om norsk oppvekst og rasisme.

Korleis er det for eit adoptivbarn å kome til Norge og vekse opp på den mest norske måten, men heile tida bli minna på at ein ikkje ser norsk ut?

Brynjulf Jung Tjønn blei fødd i Sør-Korea, men vaks opp som odelsgut i Sogn og Fjordane. I Kvit, norsk mann skriv han om oppveksten og draumen om å sjå ut som alle andre. Gjennom rystande og komiske situasjonar og refleksjonar, gir dikta oss innblikk i norsk rasisme, fragmentert identitet og utanforskap.

Hadde det ikkje vore enklare om han hadde sett ut som ein kvit, norsk mann? Då ville kanskje ikkje folk spurt han om kor han eigentleg kjem frå.

Haldne arrangement

Kontakt

Om biblioteket

Nettstaden

Kontakt

Om biblioteket

Nettstaden