Lokalsamling

Voss bibliotek si lokalsamling inneheld litteratur om Voss og vossingar, litteratur av forfattarar frå Voss eller forfattarar med tilknyting til Voss.

Voss bibliotek tek sikte på å kjøpa all lokalhistorisk litteratur etterkvart som han kjem ut.

Biblioteket si lokalsamling inneheld også bøker som Voss Ættesogelag eig eller har kjøpt inn til biblioteket.

I samlinga vår finn du også boksamlinga etter filosofen Hans Skjervheim.

Ein del av den lokale litteraturen er diverre ikkje til heimlån, men må brukast/lesast på biblioteket. I lokalsamlinga på biblioteket står bøkene som ikkje er til utlån. Dei lokale bøkene som er til utlån, står i biblioteklokalet. Skjervheimsamlinga er til heimlån.

I lokalsamlinga finn du:

• Gardssoger
• Slektsbøker
• Handels -og bedriftshistorie
• Lag- og foreningshistorie
• Skjønnlitteratur av forfattarar frå Voss