Utsyn mot verda: Øystein Tunsjø - kampen om verdsmakta

USA og Kina er dei fremste supermaktene i vår tid, og dei står midt i ein kamp om verdsmakta som vil forme det 21. hundreåret. Rivaliseringa mellom USA og Kina fører til auka geopolitisk og militær spenning, ny teknologisk og økonomisk utvikling, samt ein endra internasjonal orden.

Korleis har Kina blitt så mektig at dei kan utfordre USA? Kva konsekvensar vil den nye rivaliseringa mellom supermaktene få for NATO, Europa og Noreg?

Øystein Tunsjø er professor og leiar ar av Asia-programmet ved Institutt for forsvarsstudier, Forsvarets Høgskole. Denne våren er han aktuell med boka «Kampen om verdensmakten. USA og Kina i det 21. århundre».

Føredraget er ein del av biblioteket si arrangementsserie "Utsyn mot verda", som tek føre seg ny norsk sakprosa som rettar blikket mot omverda. Serien er støtta av Fritt Ord.