Dei økonomiske forskjellane mellom folk er aukande. Ikkje berre ute i verda, men også i Noreg. Kva gjer det med samfunnet?

Skeiv fordeling av ressursar påverkar oss alle. Privatøkonomien har mellom anna mykje å seie for helse, utdanning og sjansane våre til å få barn og trygge bustadar. Men forskjellane påverkar også tilliten til demokratiet, som tilsynelatande tek skade av ei aukande polarisering.

Trine Østereng er rådgivar i Tankesmia Agenda. Ho er utdanna statsvitar og har tidlegare jobba som rådgiver for ei rekke fagkomitear på Stortinget. “ Farlege forskjellar. Kvifor stor økonomisk ulikskap er eit samfunnsproblem” er den fyrste boka hennar.

Arrangementsserien “Demokratisk beredskap” vert støtta av Fritt Ord.