Anbefaling
Absurde situasjoner, sjarmerande karakterar og ein god dose humor.
Ein kan ikkje anna enn å bli glad i Jacob Juul, pensjonert prest og spritseljar, som i denne boka får sitt å stri med når han på ein og same ettermiddag vert både bestefar og drapsmann. Mord og moro går hand i hand når dei påfølgjande problema skal løsast eitt etter eitt.
Tilsett
Voss bibliotek
Om boka
Det blir mykje på ein gong for Jacob Juul. På få dagar går han frå å vera pensjonert prest og spritseljar som nyt sitt otium, til å bli enkemann og nybakt bestefar for ei 7 år gammal jente. Og om ikkje det var nok, blir han også drapsmann. No har han ein daud torpedo i spritskjulet å kvitta seg med og ein kriminell konspirasjon å redda seg sjølv og vesle Isabella Donnatina frå, men heldigvis har ein livslang karriere i Den norske kyrkja førebudd han på å møta dei fleste omstende med ro og optimisme. For som han seier det sjølv: «Det er utruleg kva ein opplever gjennom meir enn 40 år med besøk i private heimar for å planlegga dåp, bryllaup og gravferd.»